Monday, August 20, 2012

耳語(1):阿媽、造假及其他



最近,很多人在我耳邊說話,我肯定不是幻聽,有人說那些是五毛,我不認為,我相信他們都是真心的,就如南區沙灘上閃亮晶瑩的膠。

耳語每次不同,令我心交戰,我有時回話,有時偷笑,有時驚愕,有時未及回話,有時沒機會回話。

耳語1.1
「你地做乜乜都罵啫?無論點樣,國家係我地的父母,無論點,你都要尊重佢,聽佢講……」

 其實……國家為何是「父母」?國家是國家,阿媽是阿媽,國家唔係你阿媽。韓寒講的。

耳語1.2
「我就話,倫敦奧運開幕禮,咪又係造假!假到唔恨!北京奧運開幕,細路女唱歌,你地又話係假唱,幕後代唱啫,你就話係假唱,咁鍾意罵,又唔罵吓英國佬?」

咦,倫敦奧運哪裡造假呢?

「嗱,英女皇跳傘,咪造假囉!擺明呃人,你地班人又唔罵!」

……我想說……你有無睇到開幕禮Mr. Bean 「演奏」《烈火戰車》一幕,Mr.Bean最後放了一下響屁,很響,明顯造假啦,放假屁。你說得對,我們要譴責倫敦奧運,放屁造假。

耳語1.3
「仲有呀,倫敦的開幕禮,淨係講英國佬點威,以前的船堅炮利,侵略人地國家,帝國主義,殖民管治果的又唔講,你地做乜又唔罵?」

吓,難道你認為北京奧運開幕禮,也應該把大饑荒、大躍進、文革、六四,都放進表演裡嗎?

耳語1.4
「我地唔好搞咁多野嘞,我地只係一塊小石頭,果邊一舊大石壓埋來,舊石仔仲有無得剩?你話嘞!就好似一大桶水倒過來,你一小杯水,乜都俾人溶哂啦!」

不過,我們是一杯有顏色的水,可以令那一大桶水變色。

相關文章:
涼茶鋪裡的國民教育
藏器待時 百年一夢

4 comments:

  1. 英國人可以好自豪歌頌NHS
    中國人唔知幾時先有

    ReplyDelete
  2. (耳語1.1)好,就算當佢係,充其量都只係後底乸咋,仲要係揸毒蘋果嗰隻
    (耳語1.2)無語,應佢都嘥氣
    (耳語1.3)點解唔放“六四“?因為佢會話冇咁嘅事
    (耳語1.4)本來睇完都有啲洩氣,但諗深一層,本來國內嘅維權人仕可以選擇容易啲既生活方式,但佢地都揀咗行一條唔容易嘅路,唔通我哋仲可以貪圖一時嘅逸樂?

    ReplyDelete
  3. 區生:

    在下試試答。

    耳語1.1
    - 中華民族包括朝鮮族,咁南、北韓是否中国一部份?
    - 中国有日本人住,咁日本是否又是中国一部份?
    - 我可能有 Ah-Low-Ah-To 國籍,但 Ah-Low-Ah-To 無話佢係我父母。

    耳語1.2
    - 北京奧運開幕禮好好睇,但我自細至憎孖辮女,見親都想剪佢梭孖辮,同佢把聲無關囉。
    - 我覺得北京奧運開幕禮應該要求老毛跳降落傘。依家比英女皇食咗頭啖湯,好唔抵囉。

    耳語1.3
    - 倫敦奧運開幕禮又拔樹、又講污染,好唔貼題囉。應該重播北京奧運開幕禮重好啦。咁不如以後都喺北京攪奧運喇。

    耳語1.4
    - 今日新聞真係有個"小石頭"女子比"大石"車壓扁扁... 依家大家都好驚驚... 證明站在大舊石果邊重得人驚。

    ReplyDelete
  4. 區公子,您跟這一群 "單眼皮、矇豬眼、一臉臭泥巴、一嘴爛賤鄉下話、唔識英文、粗暴歹惡、身型體態都 7 吓 7 吓" 的 愛國死賤種 糾纏上了 ......... **Shivered** ....... 小心!有排你受 ar !

    ReplyDelete