Saturday, May 23, 2015

不要向弱者抽刃



近日,有關「懷仔」的新聞,令人火滾︰

1. 吳克儉局長,仲有教聯,見到極右本土派到小學示威,就撲出來「非常遺憾」,廣西社團總會單嘢,以交流團作餌引導學生拍撐政改影片,又唔見你哋「非常遺憾」,又唔見你出聲,仲話係個別事件。你哋要維護學生,唔該一視同仁。

2. 成件事,陳婉嫻如果從懷仔的前途著想,從一開始就不需要咁高調,全程公開真人騷,為乜?搏掌聲?以嫻姐同政府的關係,根本不需要咁做。

3. 十二歲的懷仔,不論外表,不論佢身世,不論佢有無郁手打過人,最後遣返深圳也好,做咗難民又好,變成國際人球都好,都應該有接受教育的機會。聯合國《兒童權利公約》裡,兒童「發展權」包括接受教育。我認為,若懷仔父母健在,遣返是應該的,但調查可能曠日持久,拿「行街紙」時間漫長,讓他讀書是合理的。

4. 十二歲的懷仔,當年被父母拋棄,輾轉來到香港,無論用甚麼方式生活了九年,都不是他的錯,是大人的錯,他是一個悲劇,不應針對他。

5. 學校有教無類,何錯之有?況且只是初步評估,還未真的收生,就算表達不滿,對象應是政府與入境處,為何要到學校示威?

6. 但是,示威完畢,學校又為何不立即派人清理標語,要小學生自己清理,繼續令學生受到不必要刺激?

7. 那個女學生痛哭時,情急說了句「犯咗法又點喎!點解要貼呢啲嘢呀? 」好多人唔同情「懷仔」我明白,呢個妹妹關心學校想幫手清潔標語,說話也直率,點解唔可以畀一點體諒?

8. 點解咁多人對不夠12歲的小朋友,咁多要求,咁多批評?有幾多男仔12歲的時候無同人當街爭嘢玩講口講手?有幾多女仔12歲的時候有勇氣大庭廣眾講心裡話?

9. 至於很多人說,不能開此先例,等同吸引大批兒童偷渡來港分薄資源。那就向政府施壓、表達不滿,為何要把矛頭指向學校、指向小童?

請不要向弱者抽刃,不要向孩子問責,不要鋤弱扶強,不要反共反上腦。

***   ***   ***

有點相關文章︰
鋤弱扶強新常態 
誘騙學生是為賊

37 comments:

  1. 局嚟架,劇嚟架,區生。有邊個II咁巴閉,社福局、教育局兩個局長公開發話「如果入境處唔反對」就會安排學位俾佢,同時有學校安排觀課、面試?唔好再講咩兒童權利、仁義道德啦,同眼前事實夾唔埋呀!

    ReplyDelete
  2. 睇下政府高官對肥仔嘅態度,都無可能咁天真唔懷疑啦,係嘛?

    ReplyDelete
  3. 懷仔?好撚熟阿?佢係犯人黎!非法入境者,佢想讀書就滾回大陸慢慢讀撚飽佢!
    不是初步評估,而是的確收左佢,如果係真初步評估,唔派人黎向團體解釋?
    自己睇電視啦!睇影片啦!班小學生係共狗派黎做戲架,天真嬌到上晒腦!
    今次矛頭係因為間學校收犯人入學,對撚準晒個政權架啦,你又嘈之巴閉!
    最後,不論佢父母在生不在生,叫共產黨自己接收佢,香港人唔撚會幫手養大種乞衣蝗仔!
    不要向孩子問責?咁你去同ISIS既自殺性孩子講叫佢咪炸死你吧。

    ReplyDelete
  4. 其實大多論點我都同意,不過有兩點想補充一下:
    3.行街紙屬於以擔保形式作一個臨時作用,佢代表唔到d乜,只係係街到俾警察查證唔會俾人當II。如果拎得行街紙耐就可以入學對入境條例同香港教育政策會有出入。當然,佢有權接受教育。但未必係以正常入學ge途徑
    4.十二歲,九年都係佢"阿婆"一面之詞。係入境處查完之前都唔好落結論位
    5.學校有教無類當然係好事,但呢一下卻有越權之勢。面完試,俾左個希望人,點知入境處唔批,到時仲慘。
    8.都係個句,佢係咪真係12歲?12歲人可以高過個老師大半個頭ge男仔我真係無見過,關於"有幾多男仔12歲的時候無同人當街爭嘢玩講口講手"呢一句,sorry 我無,最多只係起哄,唔會當街問侯人家母親,更唔會出手

    ReplyDelete
  5. This comment has been removed by the author.

    ReplyDelete
  6. 區家麟 said the 9 points so well. Something need to be said to help shine light for some well meaning HongKongers before we are lost in the dark tunnel to hell where we can't find our humanities anymore. Fox hunting is not a spot, neither should lynching a 12 year old boy be cool (regardless of his size and his "crimes"). HongKongers need to pick a better pastime.

    ReplyDelete
    Replies
    1. These people are the tea-party of HK. They are virulently "anti-left" (whatever that means these days) and blame "foreigners" for their own ineptitude.

      Delete
  7. 我話如果噚日一開始由攪學校到吳克儉都係一個局,今日又有各大傳媒Blogger議員出嚟講叫人唔好蝦細路,後果係咩?咪係比人成功轉移視線囉!近d,雨傘、反水貨都見唔少。"同情心"都可以一樣比人利用,傘後大家都經歷好多,好多人都選擇事事唔信共產黨同政府,呢個係果。响呢個時代,要成日保持警惕,以免中伏。乜野人係弱者我都好想知道。好鍾意睇你d文章,呢篇係唯一一篇有意見。唔好介意。

    ReplyDelete
  8. 區生,即管抱緊光環直往赤化香港地獄去。多得你們的大愛包容,屆時已萬馬齊瘖,再也看不到如此犬儒且婦人之仁的言論。

    ReplyDelete
  9. 再次證明,從來都不是民主/獨裁或資本主義/法西斯主義之爭。由始至終都是階級之爭、保護主義、偏狹的民粹主義。

    ReplyDelete
  10. 用假證來港,即偽做身份證明文件,而且他是三非偷留香港,其實已經犯法。不久前七旬老翁用假證做保安被判入獄,犯法就是犯法,人情不是必然的考慮。肖(小?)朋友和婆婆居然可以在陳婉嫻女士安排下大搖大擺地表明要留港讀書,還高舉兒童讀書權優於法理的奇怪説法,才是一石撃起千重浪的主因吧。

    ReplyDelete
  11. 我水平低,我唔明。

    有個三唔識七嚟敲門,要入屋,話:我屋企熱,我鍾意你呢度有冷氣。
    你細佬開門放佢入嚟,招呼佢坐咗你張沙發,
    你係唔係會讚:細佬,你真係做得啱嘞!

    ReplyDelete
    Replies
    1. 比喻不倫不比,但似乎也就反映了水平。

      我想起中共最愛說甚麼母親兒子,來比喻香港關係,聽起來既可笑又幼稚,但似乎對未開發的民智,這種比喻就最順理成章,最易接受。

      當你打出甚麼入屋冷氣之類比喻,其實,水平也不相伯仲。

      Delete
  12. 我支持及同意你的觀點,咁短時閒搞到咁多人同埋局,相信極不尋常。

    ReplyDelete
  13. 上次係連儂牆畫花少女,諗一諗點解?!
    得益者是誰?失益者又是誰?
    要三思...

    ReplyDelete
  14. 非法入境者,佢想讀書就滾回大陸慢慢讀撚飽佢!

    ReplyDelete
  15. 法治為香港之所以為香港之本,一切事實應交由入境事務處處理。
    民主不是給人為所欲為,更非黨同伐異之器,若得民主而失法治,則必成多數人的暴政(何況極右只是少數)。網絡世界亦受現實世界的規範約束,如有違法者,應交予執法機關查辦,並由司法機構(如已作起訴)按證據之充分性定案,否則公義必不可彰顯。
    不論是什麼立場,只要包含仇恨,就必定是錯。言論自由非罔顧法紀之擋箭牌,凡異己者為「賣港賊」者,實不知法治為何物,得到了其聲稱的「民主」,又有何益?!

    ReplyDelete
  16. http://dadazim.com/journal/2015/05/au-ka-lun/

    ReplyDelete
  17. 當年政府唔俾人入學時, 陳日君俾佢讀, 泛民頂力支持, 如今政府改過安排他入學, 冷血暴民借機攪事, 恐嚇學校, 又想用同一招, 等各學校都唔敢收佢, 其他泛民出聲的只有兩三位, 當無事發生, 這就是你一直支持的泛民派了.一D専攪老弱 人多蝦人少, 個個幪面做壞事, 一D係議會內拉布, 浪費時間, 馮梁必反, 不顧香港未來, 一D借議會人生攻擊官員, 不是議政, 一班垃圾係我們所謂高質香港人所選出,

    ReplyDelete
    Replies
    1. 真正垃圾是民賤聯那些可恥的議員,逢政府什麼政策,無論對錯都支持,君不見高鐵這大白象工程是如何在民賤聯這班垃圾局議支持下通過,就是因有這班可恥的議員,沒有盡到做議員監察政府的職責,讓香港出現一個又一個大白象工程,枉費了多少香港納稅人的多少血汗錢!

      Delete
  18. 綁架時裝界鉅子孫女嘅綁匪,投胎做唔到李嘉誠個仔肯定成世係社會上嘅「弱者」,有個仲要係條村出哂名孝順仔添。如今失手就擒,又唔見有人呼籲「從人道立場考慮酌情處理」?又唔見有人高呼「不要對弱者抽刃」?

    ReplyDelete
  19. 點解唔可以向小學抗議?
    對方係決定收一個無證小童既幫兇, 幫兇唔係犯法嗎? 阿婆作假陳述必然有事, 但小學校長亦明知故犯, 都註定惹上一身蟻,定還是「收Order明知故犯」?
    只有佢本人先知了

    ReplyDelete
  20. This comment has been removed by the author.

    ReplyDelete
  21. 區先生,作為長期讀者,看到這一篇我也感到有點失落。作為老師,我當然擔心孩子的成長,可是這個事件並不單純卻是事實。沒錯,到學校示威是不恰當的,而連日來對小女孩的窮追猛打已屬欺凌,可是那把在旁邊對女童說「大聲D」的女聲呢?我們怎能確定,學童在紅雨星期六下午回校表態這一幕是正常的呢?她會不會是受人指使呢?

    還有就是,肖友懷是不是真的十二歲呢?為甚麼到這一刻才突然覺得要讀書呢?

    這件事疑點太多,那兩個孩子固然有可憐之處;但在這紛亂的社會裡,有時「講普世」是真的會「保不住世代」啊。

    ReplyDelete
    Replies
    1. 肖友懷是否12歲,為何這刻才忽然想讀書,跟原文裡提出的觀點,又有何衝突呢?

      Delete
    2. 到這一刻才突然覺得要讀書 -> 照他們所言,匿港9年也無讀書,真咁緊張讀書,會唔會咁?若唔緊張,一曝光攞左行街紙就急住返學 (已是5月尾,7月是暑假),何不待新學年9月上課,現在慢慢找合適學校?為何好像要造成既定事實,加強與港聯繫,方便將來酌情留港時「加分」︰他在香港入學,讀書生活剛漸適應....

      Delete
  22. This comment has been removed by the author.

    ReplyDelete
  23. https://youtu.be/DuNkx55Ma80

    ReplyDelete
  24. https://youtu.be/DuNkx55Ma80

    ReplyDelete
  25. 區家麟,身為長期讀者,看到這篇文章,特別高興。擇善故執,公正而評,正是時評人應有的操守。

    看到此文留言甚旺,部份也顯得幼稚和不智,把太多不同議題混而一談,如果普遍有這一風氣,也非香港之福。

    ReplyDelete
    Replies
    1. 謝謝薯伯伯,非常感激。繼續這種風氣,深種不能消弭仇恨,縱使有日有民主,都無得挽回。

      Delete
    2. 請參考
      無證童外婆被揭謊話連篇 肖父無斷腳另有一兄
      - 熱血時報網站連結 http://www.passiontimes.hk/article/06-05-2015/23449

      不過我覺得標題仍是妥當「不要向弱者抽刀」 - 只不過看清楚是有人以為香港人易呃,當香港人係弱者,我也不想散播仇恨,我只是見到一個騙子就指出那是騙徒,要大家小心而已。時勢唔好,上至官紳名流、下至販夫走卒,騙徒多的是

      Delete
  26. 個死肥仔非法居留,點解仲俾佢讀書,返大陸無得讀呀,香港人往往講大愛包容,結果造就啲大陸人打橫嚟

    ReplyDelete
  27. 區生要頂住, 熱狗本土派最鍾意用「account海」攻勢批鬥異見人士, 令佢地無癮, 不再發表意見, 久而久之輿論就由熱狗本土派壟斷

    ReplyDelete
  28. 多謝大家意見,以上文回應部分意見。
    http://aukalun.blogspot.hk/2015/05/blog-post_26.html

    ReplyDelete